Schunkele för Pänz II
2020 RT 11 Köln 

#10 

Lange Samstag in d’r City

 

Refrain:

Lange Samstag en d'r City
Pap un Mam, die jon met'm Titti
Tatateita durch de Stadt
Weil et Jeld jejeben hat
Lange Samstag en d'r City
Laut ahm blööke es et Titti
Et will noch en Currywoosch
Un et hät och jroßen Doosch

 

En d'r Stadt es Remmidemmi
Alle Parkhüser sin voll
Üvverall nur Minschemasse
Un die kaufen hück wie doll
Ne kleine Panz, dä es am kriesche
De Frau Schmitz sök ihr Marieche
Stauung ahn 'ner Frittebud
Denn Fritte schmecken immer jut
Refrain Wiederholung


Titti well e Püppche habe
"Frooch d'r Pap!" sät drop de Mam.
Doch dä dät dat üvverhüre
Titti fängk zo brölle an
Öm vier Uhr jon se Kaffee drinke
Titti es ald leich ahm Stinke
Och de Mam, die kann nit mih
D'r Pap dä zällt sing letzte Flüh

Lange Samstag en d'r City
Pap un Mam die jon met'm Titti
Tatateita durch de Stadt
Nur weil et Jeld jejeben hat
Lange Samstag en d'r City
Fass ahm Schlofe es et Titti
Doch noch em Draum sät et janz leis
"Titti well Vanilleeis."